ESCALADORES DE GREENPEACE DESPREGAN UNHA PANCARTA XIGANTE NA SEDE DE ENDESA

Hoxa, ás sete da mañá activistas de Greenpeace despregaron unha pancarta xigante na sede da eléctrica española ENDESA, pedindo á empresa que non leve a cabo o seu maléfico e destructor plan de construir 5 presas na patagonia chilena.

Greenpeace protesta desta maneira contra o proxecto “HidroAysén”, do que é socia maioritaria ENDESA,  e que pretende construir cinco grandes presas hidroeléctricas na Patagonia chilena. Estos proxectos se asentarían sobre os ríos Baker e Pascua, ambos completamente vírgenes, inundando miles de hectáreas de paraxes de gran valor ecolóxico.

o consumo de enerxía prodúcese fundamentalmente no norte de Chile, razón pola cal esta rede de presas debe complementarse coa construcción dunha rede eléctrica de alta tensión que atravesaría o país de norte a sur. En  total máis de 2.300 kilómetros de línea eléctrica afectando a moitos espacios naturais.

“De levarse a cabo, estos proxectos serían só os primeros dunha serie de presas que inundarían a Patagonia chilena danándoa de forma irreversíbel”, declarou Rodrigo Herrera, director de Greenpeace en Chile. “Temos vido a España a pedirlle a ENDESA, unha vez máis, que non destrúa a Patagonia. Eles dixeron que en Xuño van presentar os estudos para as represas e en 2009 entregarán os informes para a línea de transmisión. Non ten sentido seguir con este proxecto e o que deben dicir é que abortarán a idea de represar a Patagonia”, engade.

A pesar de que o proxecto se vende como unha iniciativa para xerar enerxía para o pobo chileno, o certo é que o meirande crecemento proxectado da demanda eléctrica utilizaríase pola minería, e máis en concreto para alimentar con enerxía aos grandes novos proxectos das multinacionais mineiras, como o controvertido Pascua Lama, entre outros.

“As empresas españolas deben actuar con responsabilidade alí onde estean presentes. ENDESA sabe que hai alternativas enerxéticas ao proxecto “HidroAysén”. O que  estamos a pedir agora, levamos meses demandándoo, e é que dunha vez por todas ENDESA aposte polas enerxías renovábeis e evite a destrucción da Patagonia” engade Juan López de Uralde, director de Greenpeace España.

Saúde!